توحشـــــــــــــــــــــــــــــــــــــــتك......

كيف توصلك هاذ الكلمة ..؟

..توحشتك

كيف نفهمك هاذ المعنى ..؟.

. توحشتك

كيف نفسر لك هاذ المحنة ..؟

..توحشتك

تخرج من اعماقي سرب حمام

..تخرج روح ..تخرج نغمة

ترفد لك شوق و سلام

..تقر و تبوح .. بعدك علي ظلمة

توحشتك

من دواخلي والعروق تنبض ..والقلب ..

مسكون بخيالك كيف نطيق صبر ؟

كيف نبرد صهدي وجمرات تلهب ؟

وحرقة موشومة , صقيع ولهب

توحشتك

بعلا مافي حلقي نقطع الصمت ,

حقي ولا ماشي من حقي , ولو نغوت

توحشتك

نخرج على طوعي , شكون يلومني

شكون يستخصر عليك جنوني

ما يبغينيش ننطقها هكذا تبري

كالسيف القاطع تتسل تخرج وتقطعني

توحشتك

في بالك ,ولا غبت عن سؤالك

يكفيني نكون طيف في خيالك

نكون غراب ولا سعد في طلالك

توحشتك

بدم صباعي نسقيك يا الوردة

, عرفت فيك اشواك حادة

عرفت الليل عليك معاتبني

عرفت بلي بعيد علي غدا

توحشتك

ولو يطول سفرك و يتحتم هجرك

ولو تصيبي في غيابي سعدك

ويبان لك فيا الماضي.. تعرفيني ..

توحشتك

وكل كلمة تسمعيها مني توحشتك!!!
الى كل الاشخاص الدين احبوهم واتمنى رؤيتهم اليكم يا اعضاء احلى منتدى
نحبكم بزاف

وانتي أيضااا يا سليمة راكي من الأعضاء اللي نحبهم بزااااااف ومانقدرش نستغني عليهم

دمتي لنا اختي سليمة

حنا تاني نحبوك بزااااااااااااااف سوسو و الله صدق بلقيس كيما قال انت شمعة المنتدى و ان شاء الله ديما منورة

شكرا ليك يوسف وبلقياس ونونوستي
انتم الي منورين المنتدى
دمتم في رعاية الله

موضوعك روعة سليمة و انت من الاعضاء اللي لازم نتوحشهم و المنتدى راهو منور بيك شكرا

شكرا ليك نهاد نورتي بردك الخفيف والمميز

ربي يعيشك ويخليك لينا


أنا ثاني توحشتك بزاااااااااف ونتمنى دوم المحبة

شكرا ليك امونة
والله غير نبغيك ونموت عليك