قصيدة مهدية لأعضاء المنتدى

من طرف HADJ TISSAGE الجمعة ديسمبر 03, 2010 10:24 am

لا تقلق لا تقول بعد الخطرة ** تجي صواب
وفراشك ديرلو الحصـــيرة ** باه يتنقى من تراب
والكسرة بالخميرة ** والطعام مسقي بالرواب
والمرأة ربيها صغيرة ** باه العشرة تجي صواب
الدنيا طويلة وعريضـــــــــــــــــة ** والانسان يقول باه نعيش
سبحانك خلقت الفلوس في البيضة ** ورزقته يا ربي قبل يدير الريش

سنتولي يا ذو الحضار ** ونقوللكم هادو لأخبار
طحت طيحة طار الغبار ** ووقتكم راه العب بيا

البطالة ما طارتليش *** راني نخمم كيفه نعيش
العام لول كيما ذا القيس *** كنت نخدم الاوليا

وراني نخدم عند الشعب *** كتلوني انا بتعب
قولي بركة ما تلعب *** ولا شور عليا

هادا دجال بوضريس ** لقاه ربي في هاد القيس
وتراريس كع ما باقيش ** والنسا دات الحرية

راني حالت الخضار *** لبدا متوحش الدار
نبات نسنيي CODE FAR *** خايف سيمي يقتلني

ونسرجي ونبات نسوق ** على 4.00 نصبح في السوق
نصبح نعافر في الصندوق** والمشتري يجي عندي

يا حفيظ مين تبور ** وتڤيل ومكاش الجور
تقول انت نڤطع اللور ** ونخلي غير اليجي

والڤمارڤية والبوليس ** ويجو عندي كل قيس
نعيا ننعل في بليس ** ما يبغيش يبعدني
والخضارة والتبان ** ديما راهم في لغبان
كاليهم غير الذبان ** وانا بروحي بروحي يشفوني

مين يوجد الدنجال ** لي عنده مرته يبقى هجال
يقولك في هاذ العام نال ** وغدوة نصبح نبني

مين يقبظك الموطار ** وجهك يصفار
يخليك ساعة روطار ** وتخلصها بالمثني

مين يقبظك البوليس * * ويقولك انت رصيص
نواتك هاد ستاليس ** وما تقدر تفريني

وتصبح بلا قهوة ** تتكيف على الخوة
يركبك مرض الكلوة ** وما تلقي طبيب مهني

راني على مرت الخضار ** ما تحمم ما تروح للجار
ما تحمم ما تروح للجار** وراجلها لبدا هاني

الحاج التيساج HADJ TISSAGE