ضـــع بصمتــك

السلام عليكم يا جماعة

اليوم مارانيش مهبول راني بكامل قوايا العقلية

المهم جبت الكم اليوم موضوع جديد من اختراعي

(made in Fouad)


حبيت نقلكم بلي راني مشارك في موقع فضيلة الدكتور لعريفي

الذي يهدف فيه فضيلة الدكتور الى حث الشباب والناس الى

تقديم خدماتهم للمجتمع من خلال المشاركة في أعمال انسانية

وخيرية ودينية لنقل الصورة الايجابية عن الانسان المسلم

الواعي الناجح في حياته العلمية والعملية..


لهذا يا اعضاء منتدى بلادي هي الجزائر انتم مطالبون جميعا

بتقديم أفكار واقتراحات وتقارير منوعة تكون في صالح المجتمع

المسلم....


يا جماعة ماتحشمونيش باش نقدموا نظرة مليحة على الجزائر



كونوا واثقين ياجماعة اذا كانت الافكار الي نقدموها مليحة وفي صالح


المجتمع المسلم سوف تعرض على المباشر في حصة ضع بصمتك

التي تقدم في قناة اقرأ




وشكرا






[img][/img]




ما تحشمونيش

فكرة شابة بزاف فؤاد ..واش نقولك لحد دركا معنديش اي فكرة بصح نوعدك لما تكون عندي اي فكرة موضوعك راح يكون
السابق بفكرتي يعطيك الصحة..

نشاله نرفعولك راسك يا اروع عضو شرف و نرفعو من شان بلادنا و اكثر حاجة نفخرو بدينا و نعليوه و انا حبيت نكون السباقة نحط اول بصمة ربي يجعلها سبب في استقامة الكثيرين
و هي كيف يكمن ايماننا قويا-ثابت-مهما اصابنا مكروه راضين سعيدين بقضاء الله و قدره
و هذه كلمات للدكتور احمد الفرجاني و انا شخصيا راني نعمل عليها

إن سلف الأمة الأبرار كانوا يرون سعادتهم في مواطن الأقدار، وقد أظهر رسولنا صلى الله عليه وسلم التبسم إمعانا في إظهار الرضى وأعلن رضاه بالكلام فقال ( ولا نقول إلا ما يرضي ربنا وإنا على فراقك يا إبراهيم لمحزونون).

وهناك ما هو أعلى من مجرد الرضى، وذلك بالثناء على الله كما فعل النبي صلى الله عليه وسلم بعد ما أصاب المسلمين في أحد حيث حشد الصحابة خلفه ليثني على الله.

وأهل الإيمان كانوا يتذكرون لذة الثواب فينسون ما يجدون من الآلام ومن ذلك ما ورد من القول الجميل حين أصيب في أصبعه فقال:
هل أنت إلا أصبع دميت ***وفي سبيل الله ما لقيت

وقد رد الصحابي عثمان بن مظعون على أحد المشركين جواره، ورضي بجوار الله تعالى بعدما رأى إخوانه وهم يتعرضون لصنوف العذاب فأحب أن يواسيهم بنفسه، فلطمه أحد المشركين حتى خضر عينه، فقال له من كان مجيرا له: والله إن كنت لفي غنى عما أصاب عينك يا ابن أخي. فقال هذا الصحابي: (والله إن عيني الأخرى محتاجة لما أصاب أختها).

وذكر ابن الجوزي قصة امرأة أصيبت في أصبعها فضحكت، فقيل لها تضحكين وقد تألمت؟ فقالت: تذكرت لذة الثواب فنسيت ما أجد من الآلام.

ولا شك أن الصبر على البلاء من أهم وسائل زيادة الإيمان، والمصائب لا تزيد أهل الإيمان إلا إيماناً وثباتاً قال تعالى: { وَلَمَّا رَأَى الْمُؤْمِنُونَ الْأَحْزَابَ قَالُوا هَذَا مَا وَعَدَنَا اللَّهُ وَرَسُولُهُ وَصَدَقَ اللَّهُ وَرَسُولُهُ وَمَا زَادَهُمْ إِلَّا إِيمَانًا وَتَسْلِيمًا}.
والإيمان يزداد بالطاعات وينقص بالمخالفات، فاحرص على تلاوة الآيات، واجتهد في الجلوس في مجالس العلم والمحاضرات، وابتعد عن المعاصي والسيئات، واحشر نفسك في زمرة أهل الصلاح والمكرمات، واعلم أن ما أخطاك لم يكن ليصيبك وأن ما أصابك لم يكن ليخطئك، وتذكر أن أمر المؤمن كله له خير وليس ذلك لأحد إلا للمؤمن أن أصابته سراء شكر فكان خيراً له أو أصابته ضراء صبر فكان خيراً له.

ومن سار على الدرب وصل، ومن تذكر مصائب الناس هانت عليه مصائبه، والمؤمن يتذكر عند المصائب مصاب الأمة بالنبي صلى الله عليه وسلم فتهون عليه مصائبه،بتقوى الله.

نتمنى نكون افدتكم اخوتي الاعزاء

ونسأل لله السداد والثبات.

شكرا فؤاد رنا هنا ورايحين نديروا مجهود كبير باش نفرحوا الجزائر ويدوا علينا نظر مليحة
شكرا فؤاد رايحة نبحث

شكرا الكن سليمة وخاصة مروة ربي يخليكن


بصح افهموني مليح مليح مليح

معنتها لازم نقدموا افكار وأنا جاتني فكرة اسمعوني مليح مليح


راني رايح نخدم ملصقات نحطها في المساجد وهاذ الملصقات

كمثال نكتب فيها (ممنوع الهواتف النقالة داخل المسجد)

هذا كمثال بصيط وراني رايح نطرحوا في موقع الدكتور ان شاء الله





يا الله يا الله يا الله وين راهي الافكار يا أبطال


واتمنى ان تتفاعلوا معي

.
.
.
.

أين هـــــي بصماتكم يا أبطال

.
.
.
.
.

بداية نشكرك خويا فؤااااد على الفكرة الرائعة ..وصراااحة تفرجت الحصة وعجبتني بلبزاف

ولي عودة إلى موضوعك أخي فؤاااااااااد

اين هي بصماتكم

.
.
.
.

ألــــــو

ألــــــو

ألـــــو

.

كرا ليك ديدي فرحتيني بزاف بزاف بزاف

بالمناسبة حبيت نقدم انا فكرة للاعضاء الذكور

رحت وحد النهار للمستشفى نزور مريض، ايا كي جيت خارج شفت وحد

الانسان داخل خارج فالغرف نتاع المستشفى انا قلت نشوفو شاراه يدير

لاخاطرش ماراهش لابس مأزر مثل الممرضين والاطباء ماهوش كبير

فالسن بزاف، رافد في يدو بورسة(ساشية) المشكل انا كنت حاسب راه

يسرق الحوايج للمرضى لكن عندما تبعتو ودخلت وراه لأحد غرف المرضى

كان فيها شيخ كبــــير فالسن صبتو يجبد فاتح العلبة نتاعو انا خفت كاش ما يدير



لكن صدقوني ياجماعة جبد من هاديك العلبة أدوات الحلاقة وبدا يحففلو في

وجهو و رأسو (باطل-- بالمجان) كي كمل سمعت هاذاك الشيخ الكبير يقولو

روح الله يحفظك ويحفظ ولادك ويسترك ويجازيك ويخليك ..................

علاباكم انا قريب طحت في الارض لاخاطرش حسبتو راه يسرق ولا كاش

ما راه يدير

وخرج هاذاك النسان ودخل لغرفة أخرى وكرر نفس العمل بالضحك والقصرة

مع المرضى...مانكذبش عليكم--- انا غرت منو حتى قريب قتلو خليني نعاونك


المهم حبيت نقول لكل من يستطيع أبواب الله وأبواب الخير مفتوحين للي

يحب يدير الخير



وشكرا لكم

..

يا لحباب يا جماعة اين هي اقتراحاتكم اين هي بصماتكم


اين انتم او او او او لا تستطيعون --- ما تقولوليش ---

هذه بصمتي

ذرك نفكرلك واحد فكرا كيف تفك روحك من هذه القضيه

السلام عليكم ورحمة الله تعالى وبركاته اسمحلي فؤاد على التدخل اني قلت لكان ثبت هذا الموضوع راح يكون في مشاركة اكبر
فؤاد ياك ماش المهم تكون المشاركات خارقة بصح تكون بصمة تفيد وقادر تداول عبر الاجيال
انا عندي افكار بصح معليش نزيد ندير ولا لازم اقتراح واحد
على فكرة اني بدينا في الاقتراح تاعي تاع دار المسنين
شكرا لك فؤاد جزاك الله كل خير

ديدي دايما كي يتفى ويروح النوور علياوعلى مواضيعي تجي نتي

كالنجمة تضوي عيا ...


الله يحفظك من العين ويسترك ويخليك ويجازيك ان شاء الله



ديدي حبيت نقولك الفكرة نتاعك نتاع دار المسنين عجبتني وحبيت

نقولك انو ماشي ضروري تكون جماعة يقدر يكون اي شخص له القدرة...وكوني

متأكدة انو هاداك ما نصيبو قدامنا عند ربي

ديدي الافكار الي تخطر على بالك قولينا عليها بصح لازم تكون خيرية

تصلح للمجتمع الاسلامي



الله يحفظك




كي نجمع افكار كثيرة نطرعها على الدكتور محمد لعريفي

السلام عليكم ورحمة الله تعالى وبركاته :

اوكي يا فؤاد وشكرا لك


الفكرة التانية

شوف يا فؤاد انا عندي فكرة ما تكلفناش خلاص بصح الاجر ماشاء الله وكل واحد يقدر يديرها
انا شفت حاجة جاتني الفكرة
كما نروحوا المحلات كما نجيو ندخلوا في الباب نلقاو اعلان مكتوب لقيت اغلبية الناس يقراه واش مكتوب وكاين اللي يقول واش هذا اعلان ولا جرنان
علاه حنا منكتبوش بخط واضح ومقروء ادعية قصيرة باش اي شخص يقدر يقرها بكل بساطة او نكتبوا صلوا على النبي بطريقة غير مباشرة الشخص اللي يقرها يرتاح نفسيا ويدعي لصاحب الفكرة
كل واحد يقدر يديرها ونقدروا نخدموا بالطابعة واللي معندوش طابعة يكتب بيدوا وبخط واضح طبعا ...
ومن بعد نعلقوها في ابواب المحلات التجارية وحتى المساجد اي مرفق عمومي وطبعا الاجر عند الله
والسلام عليكم ورحمة الله تعالى وبركاته والى الافكار القادمة باذن الله وقولي واش راك

لسلام عليكم شكرا الأخ فؤاد عل هد الفكرة وأنا من أهم المتتبعين لحصة ضع بصمتك و لي أخ أيضا مهتم بهذا الموضوع وان شاء الله نعمل جهدنا للمساعدة والمساهمة باذن الله
i am the best sister for the best brother
yes brother you are the best