مشكل المسلسلات التركية

السلام عليكم

يا جماعة اليوم جبت الكم موضوع في حد ذاتو يستحق المناقشة

والمعالجة ..ما سبتش مين نبداها

اوكي اوكي



بــــون عندنا 3 اجهزة تلفاز في المنزل 2 فيهم نيل سات و1 جهاز

فيه الجزائر الارضية ...كي نحب نتفرج تجي الام نتاعي تقولي ديري

قناة الراي لازم المسلسل راه يبدا ، ننوض ونخليها....نروح للتلفاز الثاني

حتى تجي أختي تقلي خويا لعزيز خليني نتفرح على المسلسل في mbc

ونكثرلك اللحم في العشا آآآآآهه لازم ننوض ثاني....ومن بعد نروح

للتلفاز الثالث نصيب فيه غير الجزائر الارضية ونصيب نشرة الاحوال

الجوية يقول فيها سحب مغشاة.....ايا نكره نروح لــ pc

ومن بعد نروح للدوش باش نتوضا ولا ندوش نصيب الحوايج ( الملابس)

عندها اسبوع مازالت تما ......ماعليش



تخيلوا نتوما كنتو تخدمو وجيتو للدار عيانيييييين حتى طيحو من العيا

ايا تقول أعطوني نفطر ولا أعطوني نتعشا يقولولك الفتور راه الفريجيدار

(البراد) علاباكم نفتح هاذاك الفريجيدار نصيب الفتور بارد بارد بارد


قولولي كيفاش يكون رد الفعل نتاعكم

ما نكذبش عليكم كل مرة كي ندخل ويقولولي هكدا نخرج ديراكت نفطر برا

و لحد الآن راني ندخل فاطر للدار ما سياقسونيش حتى اذا فطرت ولا لا


والله العظيم 24/24 ساعة امام التلفاز مسلسل وراء مسلسل

صدقوني والله العظيم.



المهم الله يرحم الوالدين قولولي كيفاش ندير

و اضعف الايمان شاركوني بالآراء نتاعكم



...

فـــــؤاد

.

والله دخلت اليوم علاجال باش نكتب هاذ الموضوع

وحتى ضرني قلبي وراني خايف نولي نخسر

ههههههههههه والله يا فؤاد خويا هادو هوما النسا حبيت ولى كرهت
واش راح دير رانا كيف كيف انا تاني عندي نفس المشكل تاعك بصح انا زايد شوية انا نلقى كلش محكوم واش تروح دير تروح تطايش في لفراش ترقد هادا هو الحل....

والله ما لقيت الحل يا خويا


والآن الآن أجهزة التلفاز راهي occupé


والله

..
.

IIIIIIهههههههههههه
فؤلد ربي معاك الحل الوحيد انك تساعف خواتتك وامك ربي معاك فؤاد
لزم حتى حنا ديفولوا على روحنا
هدو هما النساء
وانتما تاني عندكم القدرات باش تحموا فطوركم بكري

الله غالـــــــــــــــــــــــــــــــــــب

نقولكم الصراحة انا و الله نا نحب المسلسلات التركية بصح ختييييييييي فاتت في امك و ختك يا فؤاد......... واش نقولو؟ ربي يهديهم

شكرا ليكن سليمة ومروة

بصح لازم ياجماعة حل منطقي لانوا هاذي كارثة والله العظيم


لذا الله يرحم الوالدين بالصيفة نتعكم نساء قولونا على حلول مفيدة

بالاك ننجحوا ونريحوا من هاذ المشكل


شكرا

شوف يا خويا فؤاد انا عكس تمااااااااااااام المسلسلات التركية انا ولبنات صحباتي ندلوا نتقبدوا كما كل ميقعدوا غير يحكيو على المسلسلات التركية يدخل استاذ يقولوا يشبه لهذاك المسلسل ......... انا نولي رايحا نهبل نقولهم بدلوا الموضوع يقولولي انتي ماكش نورمال سبحان الله
مام انا في الدار خوتاتي يحبوا يتفرجوهم نجي نبدل يكلوني انا طفلة ونعاني كيفك خويا ههههه
الحل .................. يروحوا هد المسلسلات ولا تخلى .........
شكرا على الموضوع الحساس اخي بارك الله فيك
وانا براي نتفرجوا فيلم اكشن خير ولا اني غالطة نتفرجوا الجزيرة الوثائقية فووور خلاص
باش نتهناو من هد المسلسلات
شكرا مرة أخرى واسمحلي على الاطالة

انا مارانيش كونتر للشيرات انا كونتر للمسلسلات

بصح بزاف والله بزاف حوايجي نحيهم يقعدو أسبوع أسبوعين

وهوما مرميين فالدوش..

نقولوا الصح والله هاذ المسلسلات جابو غير المشاكل والتفنيين

مسلسل يشبه مسلسل دايما كاين زوج متحابين و واحد جاي

ضدهم ونفس المشكل ورايحة هاكذا...

والله ماني عارف

انا كاش نهار نمحي لي شان كامل ونلعبها ما علاباليش

علابالي بلي راح يديرولي بازار
....

.

شكرا ديدي

ربي يخليك على المشاركة
.

آآه و الله راني من مجموعة هادو اللي يتفرجو

يعني عندنا على 5 مسلسل عائلتان على lbc
و يكمل على 6 و على 6 يبدا /موسم المطر/ في قناة الراي
و يكمل على 7 و على 7 يبدا مسلسل /قصر الحب/ في mbc4
و يكمل على 8 و على 8 يبدا / ميرنا و خليل/ (صراحة معجبنيش بزااف هادا) بصح نتفرجه هه
و يكمل على 9 و هو تاني في mbc4

و على 9 عندي ( مش مسلسل تركي بصح سوري)
و يكمل على 10 وعلى العشرة يبداو الاعادات نتاع هادو اللي درتهم من قبل
يعني أغلب الاحيان نتفرج لموسم المطر زوج مرات في النهار

يعني انت كيفاه تدير قولهم راهم كاينين اعادة في الليل
موسم المطر على 10-11
قصر الحب11-12
ميرنا و خليل12-1

نظن هاداهو الحل لانو مستحيل لما يبداو يتفرجو مسلسل و يتخلاو عليه في النصف
و ان شاء الله تنجح الطريقة

ارواحي نتي يا نهاد و بدليلهم البروقرام


راكي حابتني مانتعشاش فى الدار

..

iهههههههههههه و الله يا فؤاد خويا راك في حالة لا ترثى لها

بصح عندك انا تاني راني من هادو متتبعين المسلسلات التركية

الهم مدابيك تزيد تخبرهم بلي كاين الاعادة فليل كما قالت نهاد..و لا في وسط النهار اوك

و ربي يكون معاك يا فؤاد

نعطيك نصيحة يا فؤاااد خويا غير تفرج معاهم وريح راسك

ههههههههههههههههههههههههههههههههه

.
.
.

ahh impossible

.
.

اتفرج عن طريق النت اذا حابيت نعطيك القناوات حتى تتفرج مكانش مشكل