كل واحد يختار رقم ويشوف بوقالتوا

من طرف **didi** الخميس مارس 19, 2009 4:20 am

مرحبا يا أحلى أعضاء حبيت ندير هذا الموضوع في خاطركم واللي يحب يدعم موضوعي يختار بوقالتوا

بسم الله الرحمان الرحيم
كانت تلعب في المناسبات الخاصة سهرات رمضان الاعياد
عاشوراءوالقعدات الجزائرية الافراح

الاولى**01 حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود .

02 نزلت لقاع البحر خرجت لي جنية قالت لي وشبيك يا لالا مهمومة تكلمي افتحي قلبك ليا قلت لها يا مولاتي هذاك حبيبي أداوه عليا قلبي معاه و قلبو معاها هيا .

03 يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .

04 النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .

05 جاز عليا شباب في يده منديل ازرق و ششيته معنقرة و لبسته تبرق عليه نسمح في الولد و عليه نطلق وعليه نخلي البلاد ونردها خندق .

06 الشمعة يا لشمعة يا لشمعة الضواية لو كان نعرف وشبيك نمسح هذيك الدمعة من خديك و نرد وجهك مرايا يا ربي يا معبود اقبل دعاية يا رجع لي زهو الزمان ويعيا الحبيب قاعد معايا .

07 اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .

08 لو كان السعود ينغرسو نغرس ميات عود و عود في طية وحدي لكن السعود في يدك يا معبود يا سقام السعود سقم لي سعدي الناس الكل بحبيبهم وأنا غريب في هذا الدنيا وحدي .

09 فاطمة يا فطوم وين ما تكوني نرسلك مرسول إذا سكنتي البحر نرسلك عوامة وإذا سكنتي السماء نرسلك حمامة و إذا سكنتي القبر يحاسبك مولانا .

10 علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة .

من طرف **الوفي10** الخميس مارس 19, 2009 12:33 pm

08 لو كان السعود ينغرسو نغرس ميات عود و عود في طية وحدي لكن السعود في يدك يا معبود يا سقام السعود سقم لي سعدي الناس الكل بحبيبهم وأنا غريب في هذا الدنيا وحدي .

شكراااااااااااا اختي ديدي

من طرف **amina** الخميس مارس 19, 2009 2:39 pm

واااااااااااو لوكان تشوفي بوقالتي يا ديدي علابالي تحسديني ههههههههههههه

04 * النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .

من طرف **didi** الأحد مارس 29, 2009 3:43 am

هههههههههههههه تسهلي أكثر يا أمينة وهذي زهر وانت عندك الزهر ههههههههههههههههههههههه

من طرف ZIDANE الأحد مارس 29, 2009 7:50 am

علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة .10

شكرا ديدي عالموضوع الرائع

من طرف **didi** الجمعة أبريل 03, 2009 3:02 am

العفو زيدان وشكرااااااااااااااا لك على الاهتمام وبوقالتك رايعة صح

من طرف جزائرية و أفتخر الخميس مايو 21, 2009 11:26 am

06 الشمعة يا لشمعة يا لشمعة الضواية لو كان نعرف وشبيك نمسح هذيك الدمعة من خديك و نرد وجهك مرايا يا ربي يا معبود اقبل دعاية يا رجع لي زهو الزمان ويعيا الحبيب قاعد معايا .
شكرا جزيلا ديدي على هدا الموضوع صراحة يجنن و هدي هي الأصول الجزائرية

من طرف **didi** الخميس يونيو 11, 2009 3:50 pm

أنت اللي تجنني يا جزائرية و أفتخر
نورتي البوقالات

من طرف MAROUA الخميس يونيو 11, 2009 3:57 pm

يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .

عجبتني هادي بزاف ما لا نهديهالك يا احلى ديدي

كل واحد يختار رقم ويشوف بوقالتوا Img_large_177

كل واحد يختار رقم ويشوف بوقالتوا Img_large_177

من طرف **didi** الخميس يونيو 11, 2009 4:04 pm

انت الطف انسانة صراحة وانا عجزت عن شكرك لأن الكلمات لتفيك حقك يا مروة وهديتك على الراس والعين فارجوا ان تقبلي مني كلمة شكرا

كل واحد يختار رقم ويشوف بوقالتوا

كل واحد يختار رقم ويشوف بوقالتوا

رد: كل واحد يختار رقم ويشوف بوقالتوا

رد: كل واحد يختار رقم ويشوف بوقالتوا

رد: كل واحد يختار رقم ويشوف بوقالتوا

رد: كل واحد يختار رقم ويشوف بوقالتوا

رد: كل واحد يختار رقم ويشوف بوقالتوا

رد: كل واحد يختار رقم ويشوف بوقالتوا

رد: كل واحد يختار رقم ويشوف بوقالتوا

رد: كل واحد يختار رقم ويشوف بوقالتوا

رد: كل واحد يختار رقم ويشوف بوقالتوا